Samichlaus

Der Samichlaus besuchte mit seinem Schmutzli die Probe vom 6. Dezember, seine Hausbibel war dick und schwer, was uns da wohl erwartet…

Fritz  (Fitze mit Zuckerseckli)
Mir händ ghört, du segsch chli en umsichtige, defür umso umtriibigere Dirigent !
Immer chli Zucker und Peitsche, wies mues sii, und mängisch häsch ja au no es neus Liedli mit debi. E Fitze für de Fritze

Koni  (Goldenes Bein von Barbiepuppe)
De Presi wot am Dunnschtig immer chrampfe und laht debi de 2. Bass eleinig stampfe
und nöd emal am Altherreabig gits öpis z`mampfe. Und so wie ich ghört han, fallt ja de das Jahr au is Wasser, oder Koni !!!!? Jetzt chunsch emal zu mir!
Mir händ dir welle en goldige Oskar schänke, aber mit dim Probebsuech isch nöd emal dra zdänke….. Drum chönd mir dir nume EIS goldigs Bei devo schenke 😊

Köbi (Mützli)
Wo isch de Gfröörli under eu??????
Han en gar nanig ghört! Händer i demfall Fenschter nanig uf tue, susch wür er bimeid scho weible! Da nützts nüt, nume neui Winterpneu! Da bruchts no e Jagge, und en Schaal!
Und denn ischer sit em Samschtig au no ohni Chappe, da gfrüürt em ja ii, die wunderbari Sängerklappe!

Thomas erhielt ein Wunderwasser für seine tolle Arbeit am Flügel

Ruedi   (goldene Barbiepuppe)
D`Akademie hät dänkt, für dini Leischtig Ruedi- Maa, Muesch du en ganze Oskar haaa!
Mach wiiter eso! Mir Manne tüend dir danke, das isch nämmli meh wert als tuusig Franke!

Rolf  (Snickers)
Je älter de Rolf au wird…. Desto meh werded sini Auge verwirrt.
Wenn er au nume scho meint, en falsche Ton use zghöre, tuet er sich grad gege de ganzi Chor verschwööre. Tüegsch denn echli umehässele gäll!
Du Rolf, kännsch die Werbig mit em Snickers? Da hani eis für dich mitbracht.
Und bevor denn wieder emal zur Diva wirsch: Iss es Snickers!

Adolf  (Schnäpsli)
Dir en grosse Dank fürs unterhalte vo üsem Getränkeschrank Det häts nämmli vo allne Wässerli dine Drum chunt de Chor nach de Pause wieder uf die rechti Schine.

Kari (Baldrian)
Mit eme Dank wett dir de gsammti Chor säge: Mit dim Klavierspiel liisch du nie denäbed!
Bitte bis au nöd so nervös, mit dem Säftli wird denn au immer alles guet und du chasch wiiterhin meischtere, die Notefluet!

Marcel  (Zeller Herz und Nerventropfen)
Mir händ vernoh, dass du dim Härzli nöd eso guet glueget häsch?
Vo was häsch denn du so viel Herchlopfe übercho ?????
Nimms chli easy im nächste Jahr gäll!?

Nati
Wenn`d dis Auto nöd uf Ahiib chasch finde, lueg eis une oder hinde, reg di nöd uf, das verschlaht dir nume de Schnuuf. Denn chasch nüme singe – Und das tuet bim aschlüssende Znachtässe au nüt bringe!

Edi (Klemmbrettli)
Du kämpfsch ja gern mit dine Note, das chan ja sii, aber gäll: bitte vergiss singe nöd debi

Vorstand
Euri Leischtige sind gross, Ob Konzert oder au en Flyer! Wo bliibt de Bus zum Geier! E Bühni mues doch au no ane! Es isch Verlass uf die Sex- Manne😊

De Chor seit eu en gaaanz en grooooossse Dank!


Didi  (zwei Biberli)
Chum, nimm zwei Biberli, denn muesch am Buffet nöd immer zforderscht sii 😊

Für die übrige im Chor wetti no säge:
Wenn de Fritz bim Singä (vorzeigen) äsoo macht, vo dä Sänger keinä lacht und äs isch wohr,  wenn alli fürälueged wird’s wunderbar.

Herzlichen Dank em Samichlaus und em Schmutzli